கோலிவுட் சினிமா தேர்தல் களம் 2019

கிருஷ்ணரை விமர்சிப்பதா.? – வீரமணிக்கு ராஜ்கிரண் பதிலடி

இந்து கடவுள்கள் மற்றும் வழக்கங்களை கீழ்த்தரமாக விமர்சனம் செய்யும் கி.வீரமணி, சமீபத்தில் கடவுள் கிருஷ்ணரை ஈவ்டீசிங்கில் கைது செய்ய வேண்டும், அவர் குற்றவாளி என பேசினார். இதற்கு இந்துக்கள் மத்தியில் கடும் கண்டனங்கள் எழுந்தன. தொடர்ந்து அவருக்கு எதிரான போராட்டாங்கள் ஆங்காங்கே நடந்து வருகின்றன.

இந்நிலையில், வீரமணியின் கீழ்த்தரமான பேச்சுக்கு நடிகர் ராஜ்கிரண் தனது பேஸ்புக்கில் பதிலடி கொடுத்திருக்கிறார். அவர் கூறியிருப்பதாவது :

கி.வீரமணிக்கு… கடவுள் இல்லை என்பது, உங்கள் நம்பிக்கையாக இருக்கலாம். கடவுள் உண்டு என்பது எங்கள் நம்பிக்கை. மதங்கள் பலவாக இருந்தாலும் அவை அனைத்தின் குறிக்கோளும் ஒன்றே. அது, மனிதனை மேன்மைப்படுத்துவது. அன்பும், மனித நேயமும் தான், மனிதனை மேன்மைப்படுத்தும். அதைத்தான் எல்லா மதங்களும் போதிக்கின்றன.
அந்த போதனைகளை, ஒவ்வொரு மதமும் ஒவ்வொரு விதமாகச்செய்கிறது. அந்த வகையில் இந்து மதம், ராமர் பெருமானையும், கிருஷ்ணர் பெருமானையும், ஆஞ்சநெயர் பெருமானையும், சிவ பெருமானையும், பார்வதித்தாயையும், விநாயகப்பெருமானையும், முருகப்பெருமானையும், அவதார தெய்வங்களாக வழிபடச்சொல்வதன் மூலம், மனிதனை மேன்மைப்படுத்தும் போதனைகளைச் செய்கிறது.

இந்த அவதார தெய்வங்கள் மூலம் சொல்லப்படும் அனைத்து செய்திகளும் வாழ்க்கைத் தத்துவங்கள். அதற்குள் ஊடுருவி பார்த்தால் தான் உண்மைகள் புரியும். இந்த அடிப்படையை புரிந்து கொள்வதற்கு நீங்கள் நிறைய படித்து தெளிய வேண்டியதிருக்கும். எல்லா மத தத்துவங்களையும் கசடற கற்றுத்தெளியாமல், “கடவுள் இல்லை” என்று இரண்டு வார்த்தைகளில் சொல்லி விட்டுப்போய்விட முடியாது. கற்றுத்தெளிய அரசியல்வாதிகளுக்கு நேரமும் இருக்காது.

ஈ.வெ.ரா, மதங்களின் பெயரால் நடக்கும் அக்கிரமங்களை ஒழிப்பதற்கு வேறு வழியே இல்லாமல் தான் கடவுள் மறுப்பு கொள்கையை கையிலெடுத்தாரே தவிர கடவுள் நம்பிக்கை இல்லை என்பதற்காக அல்ல, என்பது என் கருத்து. அவருக்கு கடவுள் நம்பிக்கை இல்லாமல் இருந்திருந்தால், சாகும் வரை “ராமசாமி” என்ற பெயரை தூக்கிச் சுமந்திருக்க மாட்டார்.

கடவுள் நம்பிக்கை இருக்கு, இல்லை என்பதை விட்டு விடுவோம். பிறர் மனதை நோகச்செய்வதும், பிறர் மத நம்பிக்கைகளை காயப்படுத்துவதும், பகுத்தறிவாகுமா. பகுத்தறிவின் உச்சக்கட்ட மேம்பாடு, அன்பும், மனித நேயமுமாகவே இருக்கும்.

இவ்வாறு ராஜ்கிரண் எழுதியிருக்கிறார்.

Source:- Dinamalar Group

Related posts

Republic-டிவியின் கருத்து கணிப்பு 304-316 சீட்களை வென்று மீண்டும் பிரதமர் ஆகிறார் மோடி

admin

விடுதலை சிறுத்தைகள் கொடியை கிழித்தெறியும் திமுகவினர். வைரலாகிய வீடியோ! சரக்கு மிடுக்கின் எதிரொலி..!

admin

கோவை பாராளுமன்ற தொகுதி யாருக்கு ?

admin

Leave a Comment